ఆధార్ కార్డులకు మొబైల్ నెంబర్ మార్చుకోవడం ఇలా

కొంత మంది ఆధార్ కార్డులకు మొబైల్ నెంబర్ లింక్ అయ్యి ఉండదు. ఇలాంటి వారు పలు సందర్బాల్లో పలు ఇబ్బందులు ఎదుర్కోవలసి రావొచ్చు. అందువల్ల ఆధార్ కార్డుతో మొబైల్ నెంబర్ కచ్చితంగా అనుసంధానమై ఉండాలి.
ఒక్కోసారి మొబైల్ నెంబర్ పొగొట్టుకోవచ్చు కూడా. ఇలాంటప్పుడు ఆధార్ కార్డులో మొబైల్ నెంబర్ అప్‌డేట్ చేసుకోవాలి. ఆధార్ ఎన్‌రోల్‌మెంట్ సెంటర్‌కు వెళ్లి అక్కడ మొబైల్ నెంబర్‌ను అప్‌డేట్ చేసుకోవాలి. ఆన్‌లైన్‌లో మొబైల్ నెంబర్ మార్చుకోవడం కుదరదు. గతంలో ఆన్‌లైన్‌లోనే మొబైల్ నెంబర్ మార్చుకునే వెసులుబాటు ఉండేది. కానీ యూఐడీఏఐ ఈ ఫెసిలిటీని తొలగించింది. కేవలం ఆధార్ సెంటర్‌కు వెళ్లి మాత్రమే మొబైల్ నెంబర్ అప్‌డేట్ చేసుకోవలసి ఉంటుంది.

మీరు ఆధార్ సెంటర్‌కు అక్కడ క్యూలైన్లలో నిలుచోడానికి ఇష్టపడకపోతే.. ఇంటి వద్ద నుంచి టైమింగ్ బుక్ చేసుకోవచ్చు. మీరు బుక్ చేసుకున్న టైమ్‌కు అక్కడకు వెలితే మీ పని వెంటనే పూర్తవుతుంది. దీంతో సులభంగానే పని పూర్తి చేసుకొని ఇంటికి రావొచ్చు.

దీని కోసం ఆధార్ వెబ్‌సైట్‌కు వెళ్లాలి. అక్కడ బుక్ అపాయింట్‌మెంట్ అనే ఆప్షన్ కనిపిస్తుంది. దీనిపై క్లిక్ చేయాలి. పేరు, ఆధార్ నెంబర్, రెసిడెంట్ టైప్ వంటి సమాచారం ఎంటర్ చేయాల్సి ఉంటుంది.
తర్వాత వాట్ డూ యూ వాంట్ టు అప్‌డేట్ సెక్షన్‌లో మొబైల్ నెంబర్ అని ఎంచుకోవాలి. మీ మొబైల్ నెంబర్, క్యాప్చా ఎంటర్ చేసి సెండ్ ఓటీపీపై క్లిక్ చేయాలి. మీ నెంబర్‌కు వచ్చిన ఓటీపీ ఎంటర్ చేసి సేవ్ అండ్ ప్రొసీడ్ కొట్టాలి. ఇప్పుడు మీకు అపాయింట్‌మెంట్ ఐడీ వస్తుంది. బుక్ అపాయింట్‌మెంట్‌పై క్లిక్ చేయాలి. ఇకపోతే మొబైల్ నెంబర్ అప్‌డేట్‌కు రూ.50 ఖర్చవుతుంది.